Skilmálar

Vöruupplýsingar, myndir og verð

Verkfæralagerinn leggur áherslu á að upplýsingar í vefverslun séu réttar. Þó geta komið fyrir villur í verði, myndum, vöruheitum og lýsingum.

Vörumyndir eru til viðmiðunar og geta sýnt aðrar útfærslur, liti eða fylgihluti en þá sem fylgja vörunni. Einnig getur röng mynd fyrir mistök tengst vöru. Ekki fylgir sjálfkrafa allt sem sést á mynd með við kaup.

Íslensk vöruheiti og vörulýsingar eru að hluta til unnin með sjálfvirkri þýðingu og hafa ekki verið yfirfarin fyrir allar vörur. Því geta komið fyrir þýðingarvillur eða ónákvæmt orðalag. Ensk vöruheiti og lýsingar eiga jafnframt að vera aðgengileg á vörusíðum.

Fyrirvari er gerður um augljósar prent- og skráningarvillur í verði. Komi slík villa í ljós eftir pöntun verður haft samband við viðskiptavin til að leysa málið í samræmi við gildandi lög. Verð pöntunar verður ekki hækkað án samþykkis viðskiptavinar.

Lagerstaða

Við reynum eftir bestu getu að tryggja að vörur sem birtast í netversluninni séu til á lager.

Ef vara er ekki til fær viðskiptavinur skilaboð eða símtal um leið og úrvinnsla pöntunar hefst. Þá er endurgreitt fyrir vöruna eða önnur vara fundin í staðinn í samráði við viðskiptavin.

Skilaréttur

Öllum vörum má skila innan 90 daga, að því gefnu að umbúðir séu óopnaðar. Full endurgreiðsla er í boði ef vöru er skilað innan 14 daga. Eftir þann tíma er gefin út innleggsnóta.

Til að skila vöru getur viðskiptavinur sent tölvupóst á vl@verkfaeralagerinn.is eða komið í verslun Verkfæralagersins að Smáratorgi 1, 201 Kópavogi. Framvísa þarf kvittun við skil.